آذربایجان اینسان حاقلاری مرکزی

بوتون خبرلر

خبر

میلاد بالسینی توتولوب و تبریز اطلاعات اداره‌سینه آپاریلیب؛ فیزیکی زورلوق و فشار باره‌ده خبرلر وار

Milad Balsini

ایراندا آذربایجان خالقینین اینسان حاقلاری قورومونا (آهراز) چاتان خبرلره گؤره، اطلاعات وزارتینین ممورلاری سورغو جلسه‌سی باشا چاتاندان سونرا میلاد بالسینینی توتوب و سورغونون داوامی و ایشینه باخیلماسی اوچون تبریز اطلاعات اداره‌سینه آپاریبلار.

آلینان بیلگیه گؤره، بو مدنی فعالا قارشی ایره‌لی سورولن ایتهاملار «سوسیال شبکه‌لره ویدئو یا مطلبلرین گؤندریلمه‌سی» و مجازی مکانداکی فعالیتله باغلی گؤستریلیر.

خبره گؤره، اطلاعات اداره‌سینین ممورلاری بوندان اول ده میلاد بالسینینین تبریزده‌کی ائوینه گلیب اورادا آختاریش آپارمیش، اونون بیر سیرا شخصی اشیالارینی و سنداتلارینی، او جوملهدن ال تلفونونو، لپ‌تاپینی، تبلتینی، سرت دیسکینی، کیملیک و تحصیل سنداتلارینی و باشقا الکترونیک آوادانلیغینی ضبط ائتمیشدیلر.

همچنین بیلدیریلیر کی، بالسینینین ائوینه گلن ممورلار ال تلفونونون رمزینی ال‌ده ائتمک مقصدی ایله اونو بیر مدت فشار و تهدید آلتیندا ساخلاییبلار.

آهرازین آلدیغی بیلگیه گؤره، بالسینی توتولما زامانی دا دؤیولوب و تهدید ائدیلیب و بونون نتیجه‌سینده الیندن یا آیاغیندان یارالانیب، اَزیلمه‌لر یارانیب.

باشقا خبرلر

خبر

بیرلشمیش میلتلرین خوصوصی راپورتئری مای ساتو: ایراندا آذربایجان تورکلرینه و باشقا آزلیقلارا قارشی آیری‌سئچکیلیک اعدام حکمو ایشلرینه ده تأثیر ائدیر

بیرلشمیش میلتلرین ایراندا اینسان حاقلاری وضعیتی اوزره خوصوصی راپورتئری X-ده‌کی پایلاشیمیندا آیری‌سئچکیلیگین جزا محکمه‌سی سیستمینین قاپیسیندا بیتمه‌دیگینی بیلدیریر و میلی و دینی آزلیقلارین ایشتیراک ائتدیگی اعدام حکمو ایشلرینه ان جدی نظارت چاغیریشی ائدیر.

داها آرتیق

خبر

وکیل زهرا نقشینه تبریز دادسراسینا چاغیریشا گلدیکدن سونرا توتولوب و ناملوم یئره آپاریلیب

شرقی آذربایجان وکیللر کانونونون عضوو اولان وکیل تبریز سورغو شعبه‌سینین ۱۵-نجی بؤلمه‌سینه گلدیکدن سونرا تهلوکه‌سیزلیک قوه‌لری طرفیندن توتولوب. چاغیریش وَرَقه‌سینده ایتهام «جزایی وصفین یوخلوغو» کیمی گؤستریلمیشدی.

داها آرتیق