آذربایجان اینسان حاقلاری مرکزی

بوتون خبرلر

خبر

تبریز اطلاعات اداره‌سینین تورک آذربایجانلی مدنی فعاللارا فشارلاری آرتیر؛ بو دفعه وحید ولی‌زاده‌نین ائوینده آختاریش آپاریلیب

Vahid Valizadeh

ایراندا آذربایجان خالقینین اینسان حاقلاری قورومونا (آهراز) چاتان خبرلر، تبریزده تورک آذربایجانلی مدنی و فرهنگی فعاللارا قارشی تهلوکه‌سیزلیک فشارلارینین داوام ائتدیگینی گؤستریر. ان سون حادثه‌ده تبریز اطلاعات اداره‌سینین ممورلاری تورک آذربایجانلی مدنی و فرهنگی فعال وحید ولی‌زاده‌نین ائوینه گلیب، اورادا آختاریش آپاریبلار.

آلینان بیلگیه گؤره، آختاریش زامانی ممورلار وحید ولی‌زاده‌نین ال تلفونونو و لپ‌تاپینی ضبط ائدیب آپاریبلار.

وحید ولی‌زاده تورک آذربایجان دیلی و فرهنگی ساحه‌سینین فعالیدیر و آذربایجانلا باغلی مدنی، فرهنگی و ایجتیماعی ساحه‌لرده فعالیت سابقه‌سینه مالیکدیر.

بو اقدام، سون گونلرده تبریزده بیر سیرا تورک آذربایجانلی مدنی فعالین چاغیریلماسی، سورغو-سوال ائدیلمه‌سی، توتولماسی و اونلارا فشار گؤستریلمه‌سی باره‌ده خبرلرین یاییلدیغی بیر شرایطده باش وئریب.

بو حسابات حاضیرلاناندا قدر، وحید ولی‌زاده‌نین ائوینده آختاریشین سببلری، اونا قارشی ممکن ایتهاملار و تهلوکه‌سیزلیک و عدلیه قوروملارینین اونونلا باغلی قراری باره‌ده دقیق بیلگی یوخدور.

باشقا خبرلر

خبر

بیرلشمیش میلتلرین خوصوصی راپورتئری مای ساتو: ایراندا آذربایجان تورکلرینه و باشقا آزلیقلارا قارشی آیری‌سئچکیلیک اعدام حکمو ایشلرینه ده تأثیر ائدیر

بیرلشمیش میلتلرین ایراندا اینسان حاقلاری وضعیتی اوزره خوصوصی راپورتئری X-ده‌کی پایلاشیمیندا آیری‌سئچکیلیگین جزا محکمه‌سی سیستمینین قاپیسیندا بیتمه‌دیگینی بیلدیریر و میلی و دینی آزلیقلارین ایشتیراک ائتدیگی اعدام حکمو ایشلرینه ان جدی نظارت چاغیریشی ائدیر.

داها آرتیق

خبر

وکیل زهرا نقشینه تبریز دادسراسینا چاغیریشا گلدیکدن سونرا توتولوب و ناملوم یئره آپاریلیب

شرقی آذربایجان وکیللر کانونونون عضوو اولان وکیل تبریز سورغو شعبه‌سینین ۱۵-نجی بؤلمه‌سینه گلدیکدن سونرا تهلوکه‌سیزلیک قوه‌لری طرفیندن توتولوب. چاغیریش وَرَقه‌سینده ایتهام «جزایی وصفین یوخلوغو» کیمی گؤستریلمیشدی.

داها آرتیق