آذربایجان اینسان حاقلاری مرکزی

بوتون خبرلر

خبر

دؤرد تورک آذربایجانلی فعال جمعاً ۴۰ ایل حبسه محکوم اولدو

Abbas Lesani, Ali Khayrjou, Yusuf Kari and Behzad Dashti

تورک آذربایجانلی فعاللار عباس لسانی، علی خیرجو، یوسف کاری و بهزاد دشتی قاضی محمدرضا عموزادین رئیسلیک ائتدیگی تهران اینقلاب محکمه‌سینین ۲۸-نجی شعبه‌سی طرفیندن جمعاً ۴۰ ایل حبسه محکوم اولوبلار.

حکم یازیلی بیلدیریش اولمادان، حضوری شکیلده ایشین وکیلینه چاتدیریلیب. وکیلین آلدیغی رونوشته گؤره، بو دؤرد فعالین هامیسی «اؤلکه‌نین تهلوکه‌سیزلیگینه قارشی جینایت تؤرتمک اوچون توپلاشما و سازیش» ایتهامی ایله ۵ ایل، عباس لسانی «اؤلکه داخلینده تورک تجزیه‌طلب قروپونون یارادیلماسی و رهبرلیگی» ایتهامی ایله داها ۱۰ ایل، یوسف کاری و بهزاد دشتی ایسه «اؤلکه داخلینده تورک تجزیه‌طلب قروپونا اوزولوک» ایتهامی ایله هر بیری داها ۵ ایل حبسه محکوم اولوبلار.

همچنین، حکمه اساساً عباسین ال تلفونو ضبط ائدیلیب.

عباس لسانی، علی خیرجو، یوسف کاری و بهزاد دشتینین ایشینه باخیش ۲۰۲۶-جی ایلین مایین ۳۰-دا تهران اینقلاب محکمه‌سینین ۲۸-نجی شعبه‌سینده کئچیریلمیشدی. او جلسه‌ده عباس لسانی، یوسف کاری و علی خیرجو محکمه‌ده ایشتیراکدان ایمتینا ائدیب «نمایشی، قاپالی و عادلانه محکمه ملاکلاریندان محروم محکمه‌لرده» ایشتیراک ائتمه‌یه‌جکلرینی بیلدیریبلر.

بو دؤرد مدنی فعال ۲۰۲۵-جی ایلین نویابرین ۱۱-ده اوین زندانینین قارشیسیندا توتولوبلار. توتولماسیندان بیر نئچه ساعات سونرا اونلار اوین دادسراسینین ۶-نجی سورغو شعبه‌سینه آپاریلیب و اونلارا «قانونسوز قروپ یارادماق یا اونا اوزو اولماق»، «اؤلکه‌نین تهلوکه‌سیزلیگینه قارشی توپلاشما و سازیش» کیمی ایتهاملار ایره‌لی سورولوب.

باشقا خبرلر

خبر

بیرلشمیش میلتلرین خوصوصی راپورتئری مای ساتو: ایراندا آذربایجان تورکلرینه و باشقا آزلیقلارا قارشی آیری‌سئچکیلیک اعدام حکمو ایشلرینه ده تأثیر ائدیر

بیرلشمیش میلتلرین ایراندا اینسان حاقلاری وضعیتی اوزره خوصوصی راپورتئری X-ده‌کی پایلاشیمیندا آیری‌سئچکیلیگین جزا محکمه‌سی سیستمینین قاپیسیندا بیتمه‌دیگینی بیلدیریر و میلی و دینی آزلیقلارین ایشتیراک ائتدیگی اعدام حکمو ایشلرینه ان جدی نظارت چاغیریشی ائدیر.

داها آرتیق

خبر

وکیل زهرا نقشینه تبریز دادسراسینا چاغیریشا گلدیکدن سونرا توتولوب و ناملوم یئره آپاریلیب

شرقی آذربایجان وکیللر کانونونون عضوو اولان وکیل تبریز سورغو شعبه‌سینین ۱۵-نجی بؤلمه‌سینه گلدیکدن سونرا تهلوکه‌سیزلیک قوه‌لری طرفیندن توتولوب. چاغیریش وَرَقه‌سینده ایتهام «جزایی وصفین یوخلوغو» کیمی گؤستریلمیشدی.

داها آرتیق