Cənubi Azərbaycan Respublika Partiyasının İnsan Haqları Mərkəzi adından Cənubi Azərbaycan cəmiyyətinin bir hissəsinin səsini bu beynəlxalq məclisə çatdırmaq mənim üçün şərəfdir. Bu, İranda uzun illərdir sistemli ayrı-seçkiliyə, əsas hüquqların struktur pozuntularına və milli kimliyinin boğulmasına məruz qalan məzlum bir xalqdır.
Azərbaycanlı siyasi və insan haqları fəalları milli kimliklərini, ana dillərini, ətraf mühiti və insan haqlarını müdafiə etdikləri üçün İran həbsxanalarında işgəncələrə məruz qalırlar. Onlardan bəziləri, o cümlədən Tahir Nəqavi və Vədud Əsədi, qanunsuz həbsə və tibbi yardımdan məhrum edilməyə etiraz olaraq təxminən bir aydır aclıq aksiyasındadırlar.
Digər azərbaycanlı siyasi məhbuslar bunlardır:
- Abbas Lesani
- Əli Xeyircu
- Yusif Kari
- Behzad Daşti
- Əbdüləziz Əzimi Qədim
- Mürtəza Pərvin
- Mahmud Ocaqlu
- Ayaz Seyfxah
- Salar Tahir Əfşar
- Əbülfəzl Rəncbəri
- Araz Aman
- Bağeri Hacızadə
Bu şəxslər yalnız dillərini, kimliklərini və hüquqlarını müdafiə etdikləri üçün özbaşına həbsə, tibbi yardımdan məhrumetməyə, təhlükəsizlik təzyiqlərinə, milli və mədəni kimliklərinə qarşı təhdidlərə məruz qalırlar. Bu vəziyyət insan hüquqlarının və İranın beynəlxalq öhdəliklərinin açıq-aşkar pozuntusudur.
Cənubi Azərbaycan Respublika Partiyasının İnsan Haqları Mərkəzi bu sistemli təzyiqləri və insan haqları pozuntularını qətiyyətlə pisləyir və Amnesty International və BMT İnsan Haqları Şurası da daxil olmaqla bütün beynəlxalq qurumları çağırır ki:
- Bütün azərbaycanlı siyasi və milli məhbusların dərhal və qeyd-şərtsiz azad edilməsini təmin etsinlər.
- Azərbaycan türklərinə qarşı dil, mədəniyyət və təhlükəsizlik əsaslı ayrı-seçkiliyə son qoysunlar.
- İran rejimini beynəlxalq öhdəliklərini tam yerinə yetirmək, öz müqəddəratını təyinetmə hüququnu təmin etmək, kollektiv kimliyi qorumaq və insan haqları pozuntularını dayandırmaq üçün məsuliyyətə cəlb etsinlər.
Azərbaycan türk xalqı ədaləti, bərabərliyi və Birləşmiş Millətlər Təşkilatının bütün insanlar üçün tanıdığı, İranın da rəsmi şəkildə üzərinə götürdüyü insan ləyaqətinə layiq həyatı tələb edir.
Cənubi Azərbaycan Respublika Partiyasının İnsan Haqları Mərkəzi bu pozuntuları qətiyyətlə pisləyir.
Azərbaycan İnsan Haqları Mərkəzi, 25 noyabr 2025